இரண்டு தற்கொலை (அ) ஒரு கொலை

சந்தேகத்தினடிப்படையில் கைது

தீர்ப்புக்கு காத்துக்கொண்டிருக்கிறது

சிறையில் அடைக்கப்பட்டவரின்

குடும்பம்,

குற்றத்தை நிரூபிக்க சாட்சிகளை

தயாரித்துக்கொண்டிருக்கிறது

காவல்துறை,

சிறையில் அடைக்கப்பட்டவர்

அழுதுகொண்டிருக்கிறார் இயலாமையில்,

சிறையில் அடைக்கப்பட்டவரின் மகன்

நடந்துகொள்ளவேண்டியிருந்தது

இயல்பைவிட பணிவாய்,

சிறையில் அடைக்கப்பட்டவரின் மனைவி

சிரிக்கமுடிந்ததோ கனவில்மட்டும்,

குற்றம் நிரூபிக்கப்பட்டால்

இரண்டு தற்கொலை

வெளியே,

குற்றம் நிரூபிக்கப்படாவிட்டால்

ஒரு கொலை

உள்ளே.

நாங்கள்

நீள அகலங்களால் நிர்ணயிக்கப்பட்ட

கண்ணாடி கடலுக்குள்

நீந்த அனுமத்திருக்கிறோம்

மீன்களை

சன்னல் வழி நுழைந்து 

கதவுவழி வெளியேறும்

சிட்டுக்குருவிக்கு 

நெல்லும் தண்ணீரும்

வைத்திருக்கிறோம்

மீன்குழம்பு உண்கையில்

முள்ளோடு கொஞ்சம்

சோறும்தந்துதிருக்கிறோம்

பூனை ஒன்றுக்கு

தெருவில் அலைந்துகொண்டிருந்த

குட்டிகளிலேயே அழகாய் இருந்த 

ஆண்நாய்குட்டியை

வளர்த்திருக்கிறோம்

மரத்தடியில் கோணிபோட்டு

பிர்ட்ஜிற்குள் தேங்கிக்கிடக்கும் 

பழையதில் பழை..யதை

கழுநீரோடு கலந்து 

கொடுத்திருக்கிறோம்

வாசலில் வந்துநிற்கும்

பசுவிற்கு

அம்மாவாசை தவறாமல்

அன்னம் வைத்திருக்கிறோம்

காக்கைக்கு

இப்படியும்,

இன்னும் சிலவாயும்

எங்கள் ஜீவகாருண்யம்.

Welcome to the blog world

Hi All this is my first post for the blog...


Regards,
C.R. Murali Krishnan